sada kada si prešident našega komuna lepo te prosin da va vije Proleterskih brigadi 2 a, spreda moje zgradi, finalmente makneš ono poredno lipo. Brižan moj Ive. Prvo okupaciji, za vreme Toliji va naše vije so posodili lipi. Seh smo se liberali, zustala je samo jena. Baš sada, va pomajiće, kada lipi cvoto, njihof odor pride va kamaro ot mojega Iveta. Mat moja, da znote kako me ta odor nervira, od njega me glova boli pa ne moren vadit. Sako klaso je moj Bepin baren jedonput po, a sada je matura, past će ako će lipa vo leto preživet….
