CAKAVIANA: SEJNI

Šinjora Mafalda od svoje taraci je špjala kako jedon stori šlovek komić hodi vonka z vituri. Šinjora Mafalda znala je se. Ta starac nekada je bi mladić kega je njena suseda i pretelica Greta pred kvarnor let utela uženit; ma ni, takov je bi deštin. Kako ca je nedre zapišeno da propjo danas, leto don pokle je Gretin Tone porti na neki drugi svet, na ubed prideva nekadašnji mladić, s palico i dentjero, plešif.

Kada je videla da je gost ća šo zajno se nadvertila poli Greti.

- Kako je pasalo?

- Niš se ni kambjo, vajka je sejni.