CAKAVIANA: KAVEC
Kada je Pijerinin sin Pijerin valje od Kini jovi da je va komune Hangzhou uženi Hang na svete ni bilo kuntenteje ženske.
Kuntenta je Pijerina i danas. Ma. Pasalo je pet let. Hang je prišla živet va Labin, va zeleno zgrado, na cetri pijan. Jedino ca Hang i Pijerin nimajo dece. Nikako da Pijerina i Tonin docekaju almeno jenega nuka.
Mislin, Hang i Pijerin imajo Miltona, Moli, Margo, Mimi i Montija. Ma to neso krstjani, neso ni breki, Hang i Pijerin va stone drže - prosci. Monti je najstareji, ima pet let, i 95 kil. Prosci neso prišli od Kini.
- Hang je šalvala si prosci va naše fameje. Već pet let niki va naše fameje ni sme ubit prosca. - rekla je Pijerina susede Katine. - Drugi hi ubijajo za nas.
Jutre je kineska nova leta. Pasale so leti od pantiganah, boškarini, tigri i zeci, zmajah i zmijah, kozah, šimjah, petehi i breki. Jutre pošne leta ot prosci.
Hang je zvola Pijerino i Tonina na doček. Ca da kupi neveste i sinu? Ca da kupi proscami kad imajo se, anke saki svojo šćavino i terino.
Forši sakemu jedon kavec da ne storijo kažin kad hi ''mat'' i ''otac'' razjode.
