CAKAVIANA: VRAG

Prvo nego je porti, kamo se za vajka gre, i svojni ne tarno, gono je za svojo pretelico L. L.

Upoznali so se po službene dužnosti.

Sake se šetimoni, sejni don i na sejno uro, jušto va sekundo, mora jovit L. L. Tako mesec don.

Onda je L. L. dogovorila zastanak va Molo kafe, pa va Velo kafe, onda va Dopolavore, pa na Fortice, Pinete i Dubrove. Bilo mu je se skupa joko cudno. S druge bondi bilo mu je lepo, milo oko srca. Najrpvo so hodili, sedeli, na kraje se peljali, po Istre i Kvarnere.

Udbaš(ica) L.L. malo ga je co pitala, samo ca se mora, više je gonala za libreti i škritori. Kako da jo je preze som Vrag ka se zove Libret.

Znala je L.L. Crnogorka Balotu na pamet, recitala mu po nase.