CAKAVIANA: ŠENCI
Pameti samo jedon litrat va ken je otac.
Otac, partizan, priša je doma od boška. Najprvo ga je od kuntenteci, njega i mlajega brata, ki zno koliko puti hita va arijo; ćepo va ruki, hita va arijo, ćepiva va ruki, hita i hita. Smijali so se otac i njegovi deca. Zadnji put smijala se je i mat.
Pameti kako so ga mat i otac, njega i mlajega brata, klali nad kadin pun vodi. Ke smrod se širi od te vodi. Njegovi i vlosi od mlajega brata okupirali su šenci i gnjusi. Cuda let pokle će doznat da je voda smrdela po sumpere: trebalo je šenci i gnjusi likvidat.
Don danas pameti kako so Živka i njega mat i otac klali nat kadin, pokrili z neko storo krpo, da se inhalojo, napare i nepriatela liberojo.
